Մարտի լույս
2-ի գիշերը «Հըզբոլլահը» հրթիռներ և դրոններ է արձակել
Իսրայելի ուղղությամբ։ «Հըզբոլլահը» հայտարարել է որ այդպիսով վրեժ է լուծել
Իրանի գերագույն առաջնորդ Ալի Խամենեիի սպանության համար։
Լիբանանում տեղակայված «Հըզբոլլահի» հարձակումից հետո Իսրայելի հյուսիսում
հայտարարվել է օդային տագնապ։ Հարձակման հետևանքով տուժածների
կամ ավերածությունների մասին տեղեկություններ չեն ստացվել, գրում է
«The Times of Israel»-ը։ ՑԱԽԱԼ-ի
ներկայացուցիչները հայտարարել են, որ հրթիռների և դրոնների
մի մասը ոչնչացվել է
հակաօդային պաշտպանության կողմից, իսկ մնացածն
ընկել անմարդաբնակ տարածքներում։
Ի պատասխան՝ Իսրայելի պաշտպանության բանակը հարվածներ է
հասցրել Բեյրութում և հարավային Լիբանանում «Հըզբոլլահ»-ի
հետ կապված տասնյակ թիրախների։
«Մենք նախապատրաստվել
ենք սցենարի, որը ենթադրում է
պատերազմ մի քանի ճակատներով և
«Հըզբոլլահ»-ի դեմ հարձակողական գործողություններով։ Մենք թույլ չենք տա, որ վնաս հասցվի Իսրայել պետության
ժողովրդին կամ հյուսիսային սահմանին»,- հայտարարել
է ՑԱԽԱԼ-ի Գլխավոր շտաբի պետ, գեներալ Էյալ
Զամիրը։
