Իրանի արտգործնախարար Աբբաս Արաղչին հեռախոսազրույցներ է ունեցել Թուրքիայի և ՌԴ ԱԳ նախարարներ Հաքան Ֆիդանի և Սերգեյ Լավրովի հետ։
Նա նշել է, որ ԱՄՆ-ի և Իսրայելի գործողությունները վտանգում են ողջ տարածաշրջանը և տապալել են Իրանի միջուկային ծրագրի շուրջ խաղաղ բանակցությունները։ Արաղչին հայտնել է ՄԱԿ-ի Անվտանգության խորհուրդի հրատապ նիստ գումարելու մտադրության մասին։
Իրանի ԱԳ նախարարը կապ է հաստատել նաև մի շարք մուսուլմանական երկրների գործընկերների հետ՝ ընդգծելով, որ Իրանը կօգտվի ինքնապաշտպանության իրավունքից։
