ՀՀ ֆինանսների նախարար Վահե Հովհաննիսյանը ֆեյսբուքի իր էջում գրել է.
Շատ ուրախ եմ, որ վերջին տարիներին գրանցած տնտեսական աճի շնորհիվ կարողացել ենք միջոցներ գեներացնել կենսաթոշակների բարձրացման համար։ Սա վկայում է մեր որդեգրած քաղաքականության արդյունավետ և ճիշտ լինելու մասին։
Հաշվի առնելով, որ Կառավարության գործունեության առաջին տարիներին հիմնական շեշտադրումը դրված էր տնտեսական ենթակառուցվածքների զարգացման և պետական կառավարման համակարգի բարելավման վրա` այսօր արդեն տեսնում ենք այդ քայլերի ակնկալվող արդյունքները։ Դրանք հիմք են ստեղծել երկարաժամկետ և կայուն սոցիալական ծրագրերի իրականացման համար, և մենք հետևողականորեն շարունակում ենք շարժվել այդ նախանշված ճանապարհով։
