Տելեգրամյան Բաղրամյան 26 ալիքը գրում է. «Գագիկ Ծառուկյանը քաղաքական ասպարեզում հայտնի է իր ստերով, անկայունությամբ և խոստումները խախտելու բնորոշ հակվածությամբ։ Բոլորը, հավանաբար, հիշում են, թե ինչպես 2015 թվականին նա «բարձրաձայն» հայտարարեց, որ սկսում է պայքար Սերժ Սարգսյանի դեմ՝ իր մերձավորներին հավաստիացնելով․ «Շան տղա լինեմ, եթե մինչև վերջ չգնամ»։

Բայց չգնաց։ Քանի որ Պուտինը Հայաստան գործուղեց ռուս օլիգարխ Սամվել Կարապետյանին, և Ծառուկյանը, արդեն հայտարարած լինելով հակասերժական հանրահավաքի ժամանակն ու վայրը, անմիջապես հրաժարվեց պայքարից և ինքնամեկուսացավ՝ հայտարարելով, որ հեռանում է քաղաքականությունից։ Իսկ Սերժ Սարգսյանի ղեկավարած ՀՀԿ-ն անցկացրեց հրապարակային ժողով և պաշտոնապես Գագիկ Ծառուկյանին շնորհեց «Դոդ Գագո» (հիմար Գագո) տիտղոսը, ընդ որում ժողովի ընթացքում առանձնահատուկ ակտիվություն էր ցուցաբերում նրա խնամին՝ «Մուկը» (Հովիկ Աբրահամյան)։

Այժմ հարկեր չվճարելու միջոցով ապօրինի հարստացած «գործարար» Ծառուկյանը, ով անցյալում «հռչակվել» է իր դաժանությամբ և երիտասարդ տարիքում եկեղեցու բակում ռուս կնոջ բռնաբարության համար դատապարտված լինելու փաստով, ցանկանում է վերադառնալ քաղաքականություն։ Այդ նպատակով նա չի խորշում շահարկել մարդկանց կրոնական զգացմունքները՝ օգտագործելով Հիսուսի արձանի կանգնեցման թեման։

Սակայն, անկարող լինելով հստակ կապել անգամ երկու բառ, նախկին օլիգարխ Ծառուկյանը կարծում է, որ սա էլ բավարար չէ, և իր նախկին մերձավորներին թիմ վերադարձնելու համար հավաստիացնում է նրանց, թե իբր «ստացել է Փաշինյանի թույլտվությունը»։

Այս տեղեկությունը ստանալով Ծառուկյանի «մերձավորներից»՝ մենք զարմացանք և, այնուամենայնիվ, հարցով դիմեցինք մեր կապերին իշխանության շրջանակներում, որտեղից մեզ վիրտուալ ժպիտով և միանգամայն սպասելիորեն տեղեկացրին, որ նման բան գոյություն չունի, և Ծառուկյանը պարզունակորեն ստում է՝ կրկին իր շուրջը համախմբելու համար բոլոր նրանց, ում ժամանակին վիրավորել, անտեսել և մեկուսացրել էր։

Նույն աղբյուրները մեզ հայտնեցին նաև, որ Ծառուկյանը գտնվում է Կրեմլի կրնկի տակ, աչքի է ընկնում իր ստոր մեթոդներով և անհրաժեշտ պահին առանց երկմտելու հարված կհասցնի թիկունքից։

Հիշեցնենք նաև, որ Ծառուկյանի որդին, որը Հայաստանում անցնում է շատ լուրջ քրեական գործով, թաքնվում է Բելառուսում՝ գտնվելով Լուկաշենկոյի անձնական հովանու ներքո․ մի մարդու, որը կատարել է Հայաստանի նկատմամբ ամենախոշոր դավաճանություններից մեկը։ Մեր տեղեկություններով՝ Նվերիկը (Ծառուկյանի որդին) իր «անհոգ» օրերն անցկացնում է Լուկաշենկոյի տներից մեկում՝ ուժեղացված պահպանության պայմաններում»։