Ըստ Bild պարբերականի, այն ուկրաինացի փախստականները, ովքեր
Գերմանիա կժամանեն 2025 թվականի ապրիլի 1-ից հետո, այլևս չեն ստանա Bürgergeld
նպաստը, որը տրամադրվում է գործազուրկներին կամ անբավարար եկամուտ ունեցող անձանց։
Խոսքը նոր ժամանած ուկրաինացիների իրավական կարգավիճակի փոփոխության
մասին է։ Ապրիլի 1-ից հետո ժամանած բոլոր ուկրաինացիները այսուհետ կդիտարկվեն որպես
ապաստան հայցողներ և, համապատասխանաբար, ավելի քիչ վճարումներ կստանան։
Սա նշանավորում է պատերազմից տուժած երկրի փախստականների համար
գրեթե չորս տարի տևած հատուկ կարգավիճակի ավարտը։
Ներկայումս Գերմանիայում բնակվում է 1.1 միլիոն ուկրաինացի, ովքեր
ստանում են €563 ամսական բազային օգնություն։ Պետությունը նաև ծածկում է բնակարանի
վարձը, ջեռուցումը և այլ ծախսեր։
Ի տարբերություն դրա, Ապաստան հայցողներին օգնության մասին օրենքը
նախատեսում է €196 անձնական կարիքների և €245 հիմնական ծախսերի (սնունդ,
հագուստ) համար, որոնք միասին կազմում են €441 ամսական։
