Հռոմի կենտրոնում փլուզվել է վերակառուցվող Կոնտի աշտարակի մի մասը։ Փլվածքի տակ է հայտնվել 64-ամյա բանվորը, նա գանգուղեղի վնասվածք է ստացել։ Տուժածի վիճակը ծայրահեղ ծանր է։ Տեղեկությունը հայտնում է «Corriere della Sera»-ն:

Եվս չորս բանվոր, որոնք փլուզման ժամանակ վերին հարկերում են եղել, փրկվել են, բայց նրանցից մեկին տեղափոխել են հիվանդանոց:

Առաջին փլուզումից հետո տեղի է ունեցել երկրորդը՝ հենց այն պահին, երբ հրշեջները փորձել են փլատակներից դուրս բերել բանվորին։ Նրանք չեն տուժել։