ԱՄՆ նախագահ Դոնալդ Թրամփը և ՆԱՏՕ-ի գլխավոր քարտուղար Մարկ Ռյուտեն ճնշում են գործադրում Իտալիայի վարչապետ Ջորջա Մելոնիի վրա՝ Հռոմին համոզելու մասնակցել Prioritized Ukraine Requirements List (PURL) նախաձեռնությանը, որը նախատեսում է Ուկրաինայի համար ամերիկյան սպառազինությունների գնումների կոլեկտիվ ֆինանսավորում։ Այս մասին, հղում անելով իր աղբյուրներին, հայտնել է La Stampa թերթը։

Ըստ թերթի տվյալների՝ Իտալիային զենքի գնումներին ներգրավելու հարցում առավել շատ պնդել է Ռյուտեն՝ հույս ունենալով, որ դա կարող է խթանել Կիևի համար զենքի գնումը և ամրապնդել ՆԱՏՕ-ն։ Նշվում է, որ նմանատիպ զրույցներ Մելոնիի հետ ունեցել են նաև Թրամփը և Զելենսկին ։

Թերթի աղբյուրի տեղեկություններով՝ Իտալիայի վարչապետը այս փուլում մերժել է PURL-ին Հռոմի հնարավոր մասնակցության գաղափարը։

La Stampa-ն ընդգծում է, որ Մելոնին զգուշություն է պահպանում PURL-ին Իտալիայի միանալու հարցում՝ ընդդիմադիրների և դաշնակիցների կողմից հնարավոր դժգոհության պատճառով, քանի որ միջոցները կհատկացվեն այլ երկրների համար զենքի գնմանը՝ Իտալիայի կարիքները ֆինանսավորելու փոխարեն։