Եվրախորհրդարանը բանաձև է ընդունել, որով ԵՄ
երկրներին կոչ է անում խոցել ռուսական ինքնաթիռները իրենց օդային տարածքում։
Սեպտեմբերին Լեհաստանը և Էստոնիան մեղադրել
են Ռուսաստանին «օդային տարածքը խախտելու» մեջ։
«(Եվրոպական խորհրդարանը) խրախուսում է ցանկացած նախաձեռնություն, որը ԵՄ-ին և
նրա անդամ պետություններին թույլ է տալիս համակարգված, միասնական և համաչափ
գործողություններ ձեռնարկել իրենց օդային տարածքի բոլոր խախտումների դեմ՝ ներառյալ
օդային սպառնալիքների ոչնչացումը, խստորեն դատապարտում է Ռուսաստանի անխոհեմ և էսկալացնող
գործողությունները՝ ուղղված ԵՄ անդամ պետությունների և ՆԱՏՕ-ի դաշնակիցներ
Լեհաստանի, Էստոնիայի, Լատվիայի, Լիտվայի և Ռումինիայի օդային տարածքը խախտելուն,
ինչպես նաև Դանիայի, Շվեդիայի և Նորվեգիայի ենթակառուցվածքների կարևորագույն օբյեկտները
ԱԹՍ-ների կանխամտածված ներխուժմանը»,- ասվում է բանաձևում:
Բացի դրանից, եվրախորհրդարանականները
կոչ են անում ԵՄ երկրներին օգտագործել բոլոր սառեցված ռուսական ակտիվները որպես հիմք
Ուկրաինային վարկեր տրամադրելու համար, ինչպես նաև «միասնականացնել» հակառուսական պատժամիջոցները
և համանման միջոցներ սահմանել Բելառուսի, Իրանի և Հյուսիսային Կորեայի դեմ։
