Փարիզում սկսվում է
հայազգի ամերիկացի հայտնի աստղ Քիմ Քարդաշյանի կողոպուտի գործով դատավարությունը։
Դեպքը տեղի է ունեցել
2016 թվականին Փարիզի նորաձևության շաբաթվա ժամանակ. 10 տղամարդկանցից բաղկացած խումբը, որոնք իրենց անվանում էին grandpa robbers (կողոպտիչ պապիկներ), դահուկային դիմակներով և ոստիկանների հագուստով կապել էին Քարդաշյանին շքեղ համարում։ Նրանք խլել էին 4 միլիոն եվրո արժողությամբ նշանադրության մատանին և այլ թանկարժեք զարդեր։ Այդ մատանին Քիմին նվիրել էր նրա նախկին ամուսինը՝ ռեփեր Քանյե Ուեսթը։
Քիմը մեկնել է Փարիզ՝ մեղադրյալների դեմ ցուցմունք
տալու համար։ Դատավարությունը կտևի գրեթե մեկ ամիս։ Քարդաշյանի փաստաբանական թիմը
հայտարարել է, որ մեկնաբանություններ չեն տա մինչև դատավարության ավարտը։
«Տիկին Քարդաշյանը ներկայումս իր ցուցմունքը պահում է դատարանի և
ատենակալների համար։ Նա ցանկանում է, որ դատավարությունն անցկացվի կազմակերպված՝ ֆրանսիական օրենսդրությանը համապատասխան և գործով բոլոր
կողմերի նկատմամբ հարգանքով»,- հայտարարել են փաստաբանները
Դատարանի առջև կկանգնի 10 մարդ,
սակայն նրանցից մեկը՝ 72-ամյա Մարսո Բաում-Գերտները, մահացել է անցյալ ամիս։ Այնուամենայնիվ, հինգ անձի մեղադրանք է առաջադրվել զինված կողոպուտի և մարդու
առևանգման համար։ Մնացածը մեղադրվում են կողոպուտին մասնակցության կամ
զենքի ապօրինի պահման մեջ։
Մեղադրյալներից
մեկը՝ 71-ամյա Յունիս Աբբասը, խոստովանել է իր մասնակցությունը կողոպուտին։ Նա
ֆրանսիական TF1 հեռուստաալիքին ասել է, որ լինելով թոշակառու՝ դժվարությամբ է
ծայրը ծայրին հասցնում՝ իր աշխատանքային կյանքի 20 տարին բանտում անցկացնելուց
հետո։
Քարդաշյանի կողոպուտը տեղի է ունեցել 2016 թվականի հոկտեմբերի 3-ի գիշերը
Փարիզի 9-րդ շրջանի ոչ մեծ մասնավոր հյուրանոցում։
