Ռուսաստանը Հայաստանին և Ադրբեջանին կոչ
է անում զսպվածություն ցուցաբերել, քայլեր ձեռնարկել սահմանին լարվածությունը
թուլացնելու համար և խուսափել իրավիճակի վատթարացմանը նպաստող ցանկացած
գործողությունից։ Այս մասին ճեպազրույցի ժամանակ հայտարարել է Ռուսաստանի ԱԳՆ պաշտոնական
ներկայացուցիչ Մարիա Զախարովան՝ մեկնաբանելով երկու երկրների պաշտպանության
նախարարությունների հայտարարությունները սահմանին տիրող իրավիճակի վերաբերյալ։
«Մենք հետևում ենք հայ-ադրբեջանական սահմանին տիրող
իրավիճակին... Բոլոր անհրաժեշտ հարցերը պետք է լուծվեն բացառապես խաղաղ, քաղաքական-դիվանագիտական ճանապարհով»,- ասել է Զախարովան։
Նրա խոսքով՝ Ռուսաստանը պատրաստ է աջակցություն ցուցաբեր իր գործընկերներին մնացած հակասությունները հաղթահարելու գործում՝ խաղաղության պայմանագիր կնքելու, ինչպես նաև
տրանսպորտային հաղորդակցությունները ապաշրջափակելու, սահմանները ապառազմականացնելու և մարդասիրական հարցերը լուծելու համար՝ համաձայն Ռուսաստանի, Հայաստանի և Ադրբեջանի ղեկավարների
միջև եռակողմ համաձայնագրերի փաթեթի։
Հիշեցնենք, որ Հայաստանի պաշտպանության
նախարարությունը պարբերաբար հերքում է
ադրբեջանական կողմի մեղադրանքը, թե Երևանը իբր կրակ է բացել ադրբեջանական դիրքերի ուղղությամբ։
