ՌԴ նախագահի ներկայացուցիչ Կիրիլ Դմիտրիևը Սպիտակ տանը հանդիպումից հետո հանդես
է եկել անսպասելի հայտարարությամբ Ուկրաինային անվտանգության երաշխիքներ
տրամադրելու հնարավորության վերաբերյալ։ Fox News-ի հետ զրույցում նա նշել է, որ
Ուկրաինայի անվտանգության որոշ երաշխիքներ «կարելի է ընդունելի համարել»։
Դմիտրիևը նշել է, որ Ուկրաինան գրոհել է
ռուսական էներգետիկ օբյեկտները, սակայն ընդգծել է, որ Սպիտակ տանը
բանակցություններն ավարտվել են «դրական նոտայով»։ Նրա խոսքով՝ Կրեմլը պատրաստ է
քննարկել Կիևի անվտանգության ապահովման տարբերակները։ «Անվտանգության որոշակի
երաշխիքներ այս կամ այն ձևով կարող են ընդունելի լինել»,- ասել է նա՝ մանրամասների մեջ չմտնելով։
Միևնույն ժամանակ նա կտրականապես
բացառել է Ուկրաինայի մուտքը ՆԱՏՕ՝ «դա ընդհանրապես անհնար է»։
