Իրկուտսկի մարզում կործանվել է Tu-22M3 ռազմավարական հրթիռակիրը, հայտնում է «Аргументы и факты»-ն՝ հղում անելով ՌԴ պաշտպանության նախարարությանը։

«2025 թվականի ապրիլի 2-ին Իրկուտսկի մարզում պլանային թռիչք կատարելիս Ту-22М3 ինքնաթիռը վթարի է ենթարկվել»,- ասված է նախարարության հաղորդագրության մեջ։

Գերատեսչության տվյալներով՝ չորս հոգուց բաղկացած անձնակազմին հաջողվել է կատապուլտով դուրս նետվել, սակայն մեկ օդաչու զոհվել է։

Ինքնաթիռը կործանվել է անմարդաբնակ տարածքում: Նախարարությունից հայտնում են, որ վթարի վայրում ավերածություններ չեն եղել։