Ապրիլի 1-ին Ալլա
Պուգաչովայի YouTube-յան ալիքում հայտնվել են երկու նոր երգերի տեսահոլովակներ՝ «Մամա»
և «Պատերազմի համբույրները»: «Մամա» երգը մոր և որդու երկխոսություն է, որը զոհվել
է պատերազմում։
Երգի խոսքերը գրել է ինքը՝ երգչուհին, իսկ երաժշտությունը՝ Անդրեյ
Միսինը։
Երկրորդ երգը,
ինչպես գրում է «Ֆոնտանկա»-ն, գրվել է 1944 թվականի ամռանը տեղի ունեցած
Սվիր-Պետրոզավոդսկ գործողության ժամանակ խորհրդային զինվորների ճեղքման մոտիվներով։ Երգչուհին դա պաշտոնապես չի հաստատել։ Այս երգի երաժշտությունը գրել է
Անդրեյ Միսինը, խոսքերը՝ Անդրեյ Օրդինեցը։
Սկզբում երկու
երգերն էլ հրապարակվել են Պուգաչովայի երկրպագուների խմբում շաբաթ օրը՝ մարտի
29-ին, այնուհետև դրանք հեռացվել են, նշել է «Ագենստվո»-ն:
Հիշեցնենք. Պուգաչովան լքել է Ռուսաստանը Ուկրաինա լայնամասշտաբ ներխուժումից
հետո և դատապարտել պատերազմը իր սոցցանցերում:
