Քաղաքացիակենտրոն լրատվություն
«Ոսկե գլոբուսի» 82-րդ մրցանակաբաշխությունը տեղի ունեցավ 2025 թվականի հունվարի
5-ին, Լոս Անջելեսում։ Այն
առաջին անգամ վարել է Նիկի Գլեյզերը։
Ամենաշատ մրցանակների արժանացել է ֆրանսիացի ռեժիսոր Ժակ Օդիարի «Էմիլիա
Պերես» ֆիլմը. ստացել է 4 մրցանակ: Այն ներառված է եղել տասը անվանակարգում։
Ֆիլմն արժանացել է մրցանակի «Լավագույն ֆիլմ՝ մյուզիքլ կամ կատակերգություն» անվանակարգում։
Ճանաչվել է նաև լավագույն օտարալեզու ֆիլմ:
«Լավագույն կին դերասան» անվանակարգում հաղթել է ֆիլմի դերակատար Զոի Սալդանան,
«Լավագույն երգ» անվանակարգում՝ «Էլ Մալ» երգը:
Դեմի Մուրն իր 45-ամյա
կարիերայի ընթացքում առաջին արձանիկը ստացել է «Կին դերասան, կատակերգություն կամ մյուզիքլ»
անվանակարգում՝ «Սուբստանցիա» ֆիլմի համար:
Բրեդի Քորբեթը հաղթել
է «Լավագույն ռեժիսոր» անվանակարգում, նրա «Բրուտալիստ» ֆիլմը հաղթել է «Լավագույն դրամա ֆիլմ» և «Լավագույն դրամատիկ
դերասան» անվանակարգերում։
Լավագույն անիմացիոն
ֆիլմ է ճանաչվել «Հոսք»-ը, որը
2024-ին ցուցադրվել է Երևանում «ՌեԱնիմանիա»
փառատոնին:
Հաղթողների ցուցակը.
Ֆիլմեր
Անվանակարգերում հաղթողների ցանկը կարող եք տեսնել այստեղ։
