Որևէ առանձին բուհի միավորման ծրագիր, որոշման նախագիծ չենք քննարկում և չենք քննարկելու: Այդ մասին այսօր հրավիրված ասուլիսի ժամանակ ասաց ԿԳՄՍ նախարար Ժաննա Անդրեասյանը:
Խոսելով Ակադեմիական քաղաք ծրագրի մասին՝ նախարարը հիշեցրեց, որ դա շատ խոշոր ծրագիր է, և պահանջում է ֆինանսական լուրջ ներդրումներ: «Այս պահին Ակադեմիական քաղաքի ներդրումային ծրագիրն է կազմվում, որը հնարավորություն է տալիս նաև գործընկերներ ներգրավել տարբեր ուղղություններով: Պետք է ասեմ, որ շատ մեծ ներգրավվածություն կա, և պետք է ասեմ, որ մենք այս աշխատանքներին շատ լուրջ ենք վերաբերվում»,- նշեց Ժաննա Անդրեասյանը:
