«Զարմացած եմ Սերժ Սարգսյանի զարմանքի վրա. ինչու պիտի Ադրբեջանը ԼՂ հարցը իր ներքին հարցը չհամարեր, առավել ևս այն բանից հետո, երբ Հայաստանը, հենց Սարգսյանի ձևակերպմամբ, փոխզիջում է արել և Մադրիդյան սկզբունքների ընդունմամբ զրոյացրել Հայաստանի և ԼՂ-ի վերամիավորման 1989թ. որոշումն ու ԼՂ-ում 1991թ. անկախության հանրաքվեի արդյունքը»,- այսօր՝ հունիսի 20-ին, 44-օրյա պատերազմի հանգամանքներն ուսումնասիրող քննիչ հանձնաժողովի նիստին հայտարարեց վարչապետ Նիկոլ Փաշինյանը: 

Իսկ թե ինչ ստացավ այդ փոխզիջումների արդյունքում հայկական կողմը, Նիկոլ Փաշինյանն ընդգծեց. «ԼՂ կարգավիճակը հանրաքվեի միջոցով որոշելու խոստում, բայց ասվում էր, որ հանրաքվեն պետք է տեղի ունենա կողմերի, այսինքն՝ Հայաստանի և Ադրբեջանի միջև համաձայնեցված ժամկետներում, ինչը փաստացի նշանակում էր, որ հանրաքվեի ժամկետը պետք է որոշեր Ադրբեջանը: Քանի որ Հայաստանը շահագրգիռ է, որ հանրաքվեն շուտ լինի, իսկ Ադրբեջանը՝ որ ուշ լինի, և ժամկետը որոշելու համար հարկավոր է կոնսենսուս, փաստացի ստացվում էր, որ վճռական ձայնը պատկանում է նրան, ով շահագրգռված է, որ  հանրաքվեն կամ ուշ լինի, կամ ընդհանրապես չլինի: Այսինքն՝ գործնականում նշանակում է, որ հանրաքվեն կարող է և չլինել»:
 
Մանրամասն՝ տեսանյութում