ՌԴ ԱԳ նախարար
Սերգեյ Լավրովը պարզաբանել է, թե ինչ է թաքնված կվադրոբերների մասին իր անսպասելի
հարցի հետևում, որը նա տվել է իր հայ գործընկեր Արարատ Միրզոյանին Մոսկվայում
կայացած հանդիպման ժամանակ։
Կվադրոբերների թեման երևան է եկել Լավրովի և Հայաստանի ԱԳՆ ղեկավար Արարատ Միրզոյանի ոչ պաշտոնական զրույցի ժամանակ՝ Մոսկվայում երկու երկրների ղեկավարների հանդիպման նախաշեմին։ Լավրովը հարցրել է. «Իսկ ձեզ մոտ կա՞ն կվադրոբերներ: Դրանք երեխաներ են,
որոնք զգեստավորվում են շան նման և քայլում են չորեքթաթ: Սա հիմա գլխավոր
նորություններից մեկն է»:
Այս անսպասելի խոսակցությունն
ակնթարթորեն դարձել է սոցիալական ցանցերի ամենաքննարկվող թեմաներից մեկը։
Լրագրող Պավել Զարուբինը չի կարողացել անտեսել
այս աղմկահարույց թեման և հարցրել է
Լավրովին, թե ինչու է նա նման տարօրինակ հարց
բարձրացրել կարևոր բանակցություններից առաջ։ Լավրովը ժպտալով բացատրել է. «Վերջերս տեսա տեսանյութ, որում մայրը երեխային տանում է վզափոկով, և ինձ համար հետաքրքիր էր՝ Հայաստանում կա՞ն արդյոք նման դեպքեր»:
Կվադրոբերների արգելքի անհրաժեշտության մասին հարցին Լավրովը նշել է, որ դա արդեն
օրենսդիրների տնօրինման ներքո է, և նա լիովին վստահում է նրանց։
Ավելի վաղ
Պետդումայի պատգամավոր Յանա Լանտրատովան հայտնել էր, որ Ռուսաստանում քննարկվում է
ապակառուցողական ենթամշակույթի, ինչպիսիք են կվադրոբերները, քարոզչության արգելքի
մասին օրինագիծ։ Նրա խոսքով՝ այս շարժումը
կարող է բացասական հետևանքներ ունենալ, և դրա տարածման պատասխանատվությունը պետք է
կրեն մեծահասակները, ոչ թե երեխաները:
