Ռուսաստանը
Հավաքական անվտանգության պայմանագրի կազմակերպությունը (ՀԱՊԿ) դիտարկում է որպես Եվրասիայի
տարածքում համընդհանուր մայրցամաքային անվտանգության նոր ճարտարապետության
ձևավորման հենարաններից մեկը։ Այս մասին ասված է ՀԱՊԿ կանոնադրության ստորագրման
22-րդ տարեդարձի կապակցությամբ ՌԴ ԱԳՆ հաղորդագրության մեջ։
«Հաշվի առնելով կազմակերպության կուտակած փորձը՝ ռուսական
կողմը ՀԱՊԿ-ը դիտարկում է որպես Եվրասիայի տարածքում նոր համընդհանուր մայրցամաքային
անվտանգության ճարտարապետության ձևավորման հենարաններից մեկը՝ զերծ արտաքին թելադրանքներից, որը կոչված է միավորելու
տարածաշրջանի առաջատար պետությունների և միավորումների ջանքերը»,- նշում է ռուսական արտաքին քաղաքական գերատեսչությունը։
