Արևմուտքը «ձգտում է հասնել այն բանին, որ Հայաստանը դուրս գա ՀԱՊԿ-ից, ինչը
Երևանին ավելի մեծ կախվածության մեջ կդնի ՆԱՏՕ-ից Բաքվի հետ հետագա
հարաբերությունների հարցում», ասել է ՌԴ ԱԴԾ տնօրեն Ալեքսանդր Բորտնիկովը Աստանայում
ԱՊՀ երկրների անվտանգության մարմինների և հատուկ ծառայությունների խորհրդի 55-րդ
նիստում:
Նրա խոսքով՝ «մղելով Երևանին ձգձգել Բաքվի հետ
բանակցությունները՝ Արևմուտքը փորձում է ղեկավարել հայ-ադրբեջանական կարգավորման
գործընթացը և հասնել տարածաշրջանում սեփական խաղաղապահ կոնտինգենտի տեղակայմանը՝ դե յուրե ՄԱԿ-ի հովանու ներքո, իսկ դե ֆակտո՝ ՆԱՏՕ-ի»:
«Միաժամանակ, սպառազինությունների արտոնյալ մատակարարումների և անվտանգության
երաշխիքների դիմաց Արևմուտքը ձգտում է հասնել այն բանին, որ Հայաստանի
կառավարությունը դուրս գա ՀԱՊԿ-ից, ինչը Երևանին էլ ավելի մեծ կախվածության մեջ կդնի
Հյուսիսատլանտյան դաշինքից Բաքվի հետ հետագա հարաբերությունների հարցում։ Եվ հաշվի
առնելով աշխարհի տարբեր տարածաշրջաններում ՆԱՏՕ-ի միջնորդության ողջ նախկին փորձը՝ Անդրկովկասում դաշինքի ամրապնդումն ակնհայտորեն չի նպաստի
տարածաշրջանի կայունությանը»,- ասել է Բորտնիկովը։
Նա հավելել է, որ «Հայաստանի և Ադրբեջանի սահմաններին տեղակայված ԵՄ-ի, այսպես
կոչված, անկախ քաղաքացիական դիտորդական առաքելությունը հետախուզական
գործունեություն է իրականացնում ՆԱՏՕ-ի կոնկրետ երկրի շահերից ելնելով՝ ընդդեմ Ռուսաստանի և մեր գործընկերների»:
