TikTok-ում
Sputnik-ի և RT International-ի օգտահաշիվների արգելափակումը ոչ այլ ինչ է, քան
ԱՄՆ քաղաքական ճնշում մի շարք երկրների և ընկերությունների նկատմամբ։ Այս մասին
Sputnik Ռադիոյի եթերում հայտարարել է ՌԴ ԱԳՆ պաշտոնական ներկայացուցիչ Մարիա
Զախարովան։
Ավելի վաղ TikTok-ը հեռացրել էր Sputnik-ի և RT
International-ի օգտահաշիվները ռուսական լրատվամիջոցների դեմ ԱՄՆ նոր պատժամիջոցների ֆոնին։
«Չկա ոչ մի դատական հայց, ոչ
մի դատական որոշում, որը կխոսեր ինչ-որ պահանջների մասին: Սա նույնիսկ ճաշակի հարց չէ, սա բացառապես ԱՄՆ քաղաքական ճնշման մաս է, որը նրանք գործադրում են համապատասխան երկրների և ընկերությունների նկատմամբ»,- ասել է նա:
ՌԴ ԱԳՆ պաշտոնական ներկայացուցչի խոսքով՝
հանգամանքները պետք է պարզել ու պնդել, որ այդ ալիքները վերադառնան հեռարձակման։
«Հազիվ թե TikTok-ի
ղեկավարին կանչեն Կոնգրես՝ պարզաբանելու, թե ինչու են անհետանում ռուսական
ալիքները: Նրանք այդ թեմաներն օգտագործում են միայն այն ժամանակ, երբ իրենց է
ձեռնտու: Ահա իրենց ձեռնտու է ցույց տալ ներքին լսարանին, որ իրենք պայքարում են իրենց
ընտրական գործընթացների մաքրության համար, ուստի նրանք գորգ են հրավիրում TikTok-ի
ղեկավարին: Բայց միևնույն ժամանակ, եթե տասնյակ լրատվամիջոցներ անհետանում են,
նրանք ոչ մի այդպիսի բան չեն անում»,- ասել է նա:
