ՌԴ արտաքին գործերի նախարար Սերգեյ
Լավրովը հայտարարել է, որ Ռուսաստանը կհաղթի «ուկրաինացիների ձեռքով արևմտյան
երկրների սանձազերծած պատերազմում»։ Նրա կարծիքով՝ Արևմուտքը այլ լեզու չի հասկանում։
«Հաղթանակ է պետք: Նրանք այլ
լեզու չեն հասկանում։ Այս հաղթանակը ձեռք կբերվի,
մենք դրանում ոչ մի կասկած չունենք»,-
ասել է Ռուսաստանի արտաքին քաղաքական գերատեսչության
ղեկավարը, որի խոսքերը մեջբերում է ՏԱՍՍ-ը:
Լավրովը
հավելել է, որ ՄԱԿ-ի ակունքներին վերադառնալու համար արևմտյան երկրները պետք է
հասկանան, որ «որ իրենց պատերազմը, որը սանձազերծվել է թե՛ Ռուսաստանի, թե՛ միջազգային իրավունքի դեմ,
պարտության
կմատնվի»։ Այս պայմաններում Արևմուտքը
պետք է «պարզապես կատարի ՄԱԿ-ի կանոնադրությունը, ինչպես այն հավանության է արժանացել շատ տարիներ առաջ»:
