ՄԱԿ-ի Գլխավոր ասամբլեան ընդունել է «Ապագայի գագաթնաժողովի» առանցքային փաստաթուղթը՝ Ապագայի պակտը, չնայած որոշ պետությունների, այդ թվում՝ Ռուսաստանի առարկություններին։
«Ապագայի գագաթնաժողովը» տեղի է ունենում Նյու Յորքում սեպտեմբերի 22-23-ը։ Պակտն ընդունվել է հանդիպման առաջին օրը՝ ինն ամիս տևած բանակցություններից հետո, նշում է Reuters-ը։
Փաստաթղթում
ամրագրված են շուրջ 56 ընդհանուր դրույթներ, որոնք միջազգային կազմակերպության անդամ
երկրները պարտավորվել են իրականացնել։
Գագաթնաժողովի նիստին ՌԴ ԱԳՆ ղեկավարի տեղակալ Սերգեյ Վերշինինը մի խումբ
պետությունների՝ Ռուսաստանի, Բելառուսի և Նիկարագուայի անունից առաջարկել է շտկում
կատարել պակտում, որի հիմքում ընկած է այլ պետությունների ներքին գործերին
չմիջամտելու սկզբունքը։ Փոփոխության քննարկումը մերժվել է համընդհանուր
քվեարկությամբ, Ռուսաստանը դիստանցավորվել է փաստաթղթի շուրջ կոնսենսուսից։
Այս որոշմանն աջակցել են 143 երկրներ, բացի փոփոխության հեղինակներից՝ դեմ են արտահայտվել Հյուսիսային Կորեան, Սիրիան, Սուդանը և
Իրանը։ 15 պետություն ձեռնպահ է մնացել։
