ՌԴ նախագահ Վլադիմիր Պուտինը հայտնել է, որ մեկ անգամ է հանդիպել Telegram-ի
հիմնադիր Պավել Դուրովի հետ, բայց՝ ոչ Բաքվում։
«Դուրովին ես մի անգամ եմ հանդիպել, շատ տարիներ առաջ՝ Մոսկվայում, նա պատմում էր իր
ծրագրերի մասին։ Դա եղել է Կրեմլում։ Այդ ժամանակվանից մենք չենք տեսել միմյանց և
կապ չենք պահպանել։ Իմ ինչի՞ն էր պետք նրան հանդիպելը: Ես նույնիսկ չգիտեի, որ նա
Բաքվում է»,- նշել է նա։
ՌԴ նախագահի խոսքով՝ Ռուսաստանը պահանջներ չի ունեցել Պավել Դուրովի նկատմամբ։ Միաժամանակ Պուտինը նշել է, որ պատրաստ է հանդիպում
անցկացնել Telegram-ի ղեկավարի հետ։
«Ֆրանսիայի
իշխանությունների գործողությունները ձեռնարկատիրոջ նկատմամբ «այնքան էլ հասկանալի չեն», քանի որ դրանք ընտրողական բնույթ են կրում»,-
ասել է ՌԴ նախագահը։
