ՌԴ ԱԳՆ պաշտոնական ներկայացուցիչ Մարիա Զախարովան ՏԱՍՍ-ին մեկնաբանել է
Ուկրաինայի ԱԳ նախարար Դմիտրի Կուլեբայի հրաժարականը «աշուն, տերևաթափ, ճյուղերը
մերկանում են» բառերով։
Ավելի վաղ Գերագույն Ռադայի ղեկավար
Ռուսլան Ստեֆանչուկը հայտարարել է, որ Ռադան հրաժարականի դիմում է ստացել
Կուլեբայից։
Կուլեբան Ուկրաինայի դիվանագիտական գերատեսչության ղեկավարի պաշտոնը ստանձնել է 2020 թվականի մարտին՝ 38 տարեկանում, դառնալով Ուկրաինայի պատմության ամենաերիտասարդ արտգործնախարարը։
Գերագույն Ռադայի պատգամավոր Ալեքսեյ Գոնչարենկոն
ավելի վաղ հայտարարել էր, որ Կուլեբային կարող է փոխարինել Ուկրաինայի արտաքին
գործերի նախարարի առաջին տեղակալ Անդրեյ Սիբիգան, որն աշխատել է Ուկրաինայի
նախագահի աշխատակազմում, կամ պետության ղեկավարի գրասենյակի ղեկավարի ներկայիս
տեղակալ Նիկոլայ Տոչիցկին։
