Կալուգայի մարզի նահանգապետ Վլադիսլավ Շապշան հայտնել է, որ օգոստոսի 30-ի առավոտյան չորս դրոն են ոչնչացրել Կալուգայի ծայրամասում։ «Ոչնչացման վայրերում աշխատում են օպերատիվ խմբերը»,- հայտարարել է նահանգապետը: Նա տուժածների կամ ավերածությունների մասին տեղեկություն չի հայտնել։

Mash Telegram-ալիքը պնդում է, որ երկու դրոն խոցել են Կալուգայի միջազգային օդանավակայանին մոտենալիս։ Նրա տվյալներով՝ կան ավերածություններ, իսկ թե ինչպիսին՝ չի նշվում։ Mash-ը գրում է, որ դրոնները թռչել են դեպի նախկին Volkswagen գործարան, որը գտնվում է օդանավակայանից հինգ կիլոմետր հեռավորության վրա։ Այս տեղեկատվությունը հաստատված չէ։

Այն, որ Կալուգայի մարզում դրոնները թռչել են դեպի տեղի օդանավակայան, գրում է նաև Shot Telegram-ալիքը։