Ռուսաստանը Ուկրաինայում «ռազմական գործողության ակտիվ մասն» ավարտելուց հետո պետք է երկար ժամանակ «շատ զգալի ծավալներով» զենք արտադրի, որը համեմատելի կլինի ԽՍՀՄ-ի ժամանակ 1945 թվականից հետո եղածի հետ, հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը։
«Մենք դեռ... օգտագործում ենք այդ նույն պաշարը: Եթե դա էլ չլիներ, ապա վերջ»,- Մեդվեդևի խոսքերը մեջբերում են ռուսական լրատվամիջոցները։
Խոսելով Ուկրաինայում պատերազմի մասին՝ ՌԴ Անվտանգության խորհրդի փոխնախագահը
հույս է հայտնել, որ այն շուտով կավարտվի։
Ամբողջ աշխարհն Ուկրաինային զենք է մատակարարում, իսկ Ռուսաստանը «ինքնաբավ
է», շարունակել է Մեդվեդևը, բայց այժմ «ընդհանուր առմամբ ամեն ինչ կարգին է»
մատակարարումների հարցում։ «Կատարյալ չէ, քանի որ կատարյալ չի լինում, բայց
ընդհանուր առմամբ բարեհաջող է»,- հայտարարել է նա:
