ՌԴ նախագահ Վլադիմիր Պուտինը հեռախոսազրույց է
ունեցել Հայաստանի վարչապետ Նիկոլ Փաշինյանի հետ։ Զրույցի մասին հայտնում է Կրեմլի
մամուլի ծառայությունը։
Ավելի վաղ Պուտինը, պետական այցով գտնվելով Ադրբեջանում, հայտարարել էր, որ այցից հետո կապ կհաստատի Հայաստանի վարչապետի հետ և կպատմի Բաքվում տեղի ունեցած բանակցությունների արդյունքների մասին։
«Հայ-ադրբեջանական հարաբերությունների կարգավորման շուրջ քննարկումը շարունակվել է, այդ թվում՝ հաշվի առնելով Վլադիմիր Պուտինի բանակցությունները Ադրբեջանի նախագահ Իլհամ Ալիևի հետ Բաքու կատարած պետական այցի ընթացքում։ Հաստատվել է ռուսական
կողմի պատրաստակամությունը՝ հետագայում ևս Հայաստանին և Ադրբեջանին աջակցություն ցուցաբերելու
խաղաղության պայմանագրի մշակման, սահմանների դելիմիտացիայի և դեմարկացիայի, ինչպես նաև տրանսպորտային և լոգիստիկ կապերի ապաշրջափակման հարցերում», - ասված է ՌԴ նախագահի մամուլի ծառայության հաղորդագրության մեջ։
Դրանում ասվում է նաև, որ Պուտինի և Փաշինյանի զրույցի ընթացքում նշվել է
Ռուսաստանի Դաշնության և Հայաստանի միջև առևտրատնտեսական փոխգործակցության դրական
դինամիկան։
