ՌԴ Վոլգոգրադի մարզում օգոստոսի լույս 22-ի գիշերը պայթյուններ
են որոտացել ուկրաինական դրոնների գրոհների և ՀՕՊ-ի աշխատանքի պատճառով, որին
հաջորդել է ՌԴ ՊՆ օբյեկտի տարածքում բռնկված հրդեհը: Այս մասին հայտնել է տարածաշրջանի
նահանգապետ Անդրեյ Բոչարովը։
Բոչարովի խոսքով՝
հակաօդային պաշտպանության ուժերը Կալաչևսկի շրջանի Մարինովկա գյուղի մոտ հետ են
մղել դրոնների գրոհը։ Անօդաչուների մեծ մասը ոչնչացվել է, հավելել է տարածաշրջանի
ղեկավարը։ Գրոհի հետևանքով տուժածներ չկան։ Բոչարովը չի հստակեցրել, թե որ օբյեկտն
է վնասվել։
«Baza» և «Mash» Telegram-ալիքները հայտնում են, որ
անօդաչուները փորձել են գրոհել Դոնի Կալաչից ոչ հեռու գտնվող ռազմական օդակայանը՝ տեղակայված Մարինովկա
գյուղում: Baza-ն գրում է, որ մի անօդաչու ոչնչացվել է օդակայանից մի քանի
կիլոմետր հեռավորության վրա, իսկ մյուսի բեկորների ընկնելու հետևանքով բռնկվել է
հրդեհ:
Վոլգոգրադի օդանավակայանը ժամանակավորապես փակվել է
ինքնաթիռների ընդունման և գործարկման համար, հայտնել է Ռոսավիացիայի ներկայացուցիչը։
