«Լուկաշենկոն փորձում է դուր
գալ Պուտինին այդպիսի արտահայտություններով, իսկ տնտեսությունը զարգացնելու համար մենք
շփվում ենք Արևմուտքի հետ»: Այս մասին ասաց քաղաքագետ Լիլիթ Դալլաքյանը՝ անդրադառնալով
Բելառուսի նախագահ Ալեքսանդր Լուկաշենկոյի հայտարարությանը, որը նշել էր. «Ո՞ւմ են
պետք հայերը՝ մեզանից բացի։ Ոչ մեկին։ Թող զարգացնեն իրենց տնտեսությունը և կենտրոնանան
այն բանի վրա, ինչ ունեն: Ի՞նչ Ֆրանսիա, ի՞նչ Մակրոն։ Վաղը Մակրոնը չի լինի, և բոլորը
կմոռանան այդ Հայաստանի մասին»։
Ինչ վերաբերում է Լուկաշենկոյի խոսքերին, որ ստիպված ենք լինելու
դիմել Ռուսաստանին աջակցության համար, Դալլաքյանը ասաց. «Լուկաշենկոն երևի տեղյակ չէ,
որ մենք արդեն քանի տարի է՝ դիմել ենք ՌԴ-ին։ Առանձին ՌԴ-ին ու ՀԱՊԿ-ին դիմել ենք,
բայց Պեսկովը ասում է՝ տեղյակ չէ այդ նամակներից։ Իրենք հրաժարվել են օգնել»։
Դալլաքյանը նշեց. «Լավ է, որ
Պուտինը այցելեց Ադրբեջան, նա ցույց տվեց, թե ով է իր գործընկերը տարածաշրջանում։ Լավ
է, որ Հայաստան չայցելեց։ Իրենք այս պահին սպասում են։ Ադրբեջանը իրեն ավելի լավ է
զգում ռուսական նավում, ուրեմն մենք չպետք է լինենք այդ նավում»։
Մանրամասն՝ տեսանյութում
Դավիթ Լևոնյան
