ՀԱՊԿ-ի շրջանակներում Հայաստանի առջև դրված պարտավորությունները մնում են անփոփոխ, հանրապետության համար կայունության այլընտրանքային երաշխավորներ չկան՝ բացի ՀԱՊԿ-ից և Ռուսաստանից: Այս մասին «ՌԻԱ Նովոստի»-ին ասել է ՌԴ ԱԳՆ ԱՊՀ երկրների Առաջին դեպարտամենտի տնօրեն Միքայել Աղասանդյանը։
«Ինչ վերաբերում է Հայաստանի մասնակցությանը ՀԱՊԿ-ի ընդհանուր
աշխատանքներին, ապա այժմ Երևանում գերակշռող գիծը նման փոխգործակցությունից հեռանալն է: Այս
դիրքորոշումը, ինչպես նկատելի է, հակասում է Հայաստանի ժողովրդի շահերին,
էապես թուլացնում է ազգային անվտանգությունը: Վերջին հաշվով ՀԱՊԿ-ին և Ռուսաստանին այլընտրանքներ
գոյություն չունեն՝ որպես հանրապետության կայունության
երաշխավորներ: Կազմակերպության շրջանակներում փոխադարձ պարտավորությունները
մնում են անփոփոխ»,- հայտարարել է Աղասանդյանը։
Նա հավելել է, որ ՀԱՊԿ-ում լիարժեք
համագործակցության վերադառնալու դռները Հայաստանի համար բաց են։
«Հուսով ենք, որ հայ գործընկերները,
հաղթահարելով կասկածները, կրկին հավատարմություն կցուցաբերեն շահագրգիռ համատեղ
աշխատանքին՝ ելնելով բարեկամ հայ ժողովրդի ռազմավարական շահերից»,- ասել է
դիվանագետը։
