Ռուսաստանը իր զինված ուժերի մի մասը դուրս է բերում Ուկրաինայից՝ կապված Կուրսկի մարզում Ուկրաինայի զինված ուժերի հարձակման հետ։ Այս մասին գրում է The Wall Street Journal-ը՝ հղում անելով ամերիկացի պաշտոնյաներին։

Սա առաջին նշանն է առ այն, որ Կիևի ներխուժումը Մոսկվային ստիպում է վերախմբավորել իր ուժերը, նշում է պարբերականը։ WSJ-ի տեղեկություններով՝ ԱՄՆ-ն դեռ փորձում է որոշել այդ քայլի նշանակությունը Ռուսաստանի համար։

Պարբերականի աղբյուրները չեն նշել, թե որքան զորք է դուրս բերում Ռուսաստանը։ Միևնույն ժամանակ, ԱՄՆ-ի այս գնահատականը ամրապնդում է Ուկրաինայի իշխանությունների ներկայացուցիչների հայտարարությունները, որոնք պնդում են, որ Ուկրաինայի զինված ուժերի անսպասելի ներխուժումը Կուրսկի մարզ շեղել է ռուսական զորքերը Ուկրաինայից, որտեղ Մոսկվայի առավելությունը կենդանի ուժի և տեխնիկայի առումով թույլ է տալիս նրան մի քանի տեղերում առաջ շարժվել: