Ռուսաստանում վրացական սփյուռքի ղեկավար
Դավիթ Ցեցխլաձեն մեկնաբանել է Կուրսկի մարզում Ուկրաինայի զինված ուժերի
հարձակողական գործողությանը վրացի մարտիկների մասնակցությունը։ Նա կոչ է արել
նրանց «վայր դնել զենքերը և վերադառնալ իրենց ընտանիքները»։
«Հարյուր հազարավոր վրացիներ ապրում են
Ռուսաստանի Դաշնությունում և իրենց գործունեությունն իրականացնում երկրի կյանքի
բոլոր ոլորտներում։ Ռուսաստանի վրացիները բոլոր ժողովուրդների հետ միասին խաղաղ և
բարեկամաբար ավելի լավ ապագա են ստեղծում իրենց երեխաների համար: Կուրսկի մարզում
ազգությամբ վրացի վարձկանների հայտնվելն ուղղված է յուրաքանչյուրիս դեմ: Կոչ եմ
անում Ուկրաինայի զինված ուժերի շարքերում գտնվող բոլոր վրացիներին վայր դնել
զենքերը և վերադառնալ իրենց ընտանիքները։ Սա ձեր պատերազմը չէ, և դուք Վրաստանի
պաշտոնական ներկայացուցիչները չեք՝ Ուկրաինայի Զինված ուժերի շարքերում վրացական
դրոշը ծածանող։ Ես անձամբ կգամ Կուրսկ և կկանգնեմ այն փամփուշտների առաջ, որոնցով դուք կրակում եք ռուսներին»,- հայտարարել է Ցեցխլաձեն։
«Ռուսաստանի վրացական համայնք»-ի Telegram-ալիքի
տեղեկություններով՝ Ցեցխլաձեն այժմ այցելում է Հյուսիս-Կովկասյան դաշնային շրջան, որից հետո
ծրագրում է մեկնել Կուրսկի մարզ։
Վրացական սփյուռքի առաջնորդն ակտիվորեն
համագործակցում է Ռուսաստանի իշխանությունների հետ և աջակցում է լայնամասշտաբ
ներխուժմանը Ուկրաինա։
