ՌԴ և Ադրբեջանի փոխարտգործնախարարները քննարկել են Հարավային Կովկասում իրավիճակը

Ադրբեջանի փոխարտգործնախարար Սամիր Շարիֆովը Մոսկվայում խորհրդակցություններ է անցկացրել Ռուսաստանի փոխարտգործնախարար Ալեքսանդր Գրուշկոյի հետ, հայտնում է ՌԴ ԱԳՆ մամուլի ծառայությունը։


Հանդիպման ընթացքում կողմերը քննարկել են Հարավային Կովկասի տարածաշրջանում և հարակից տարածաշրջաններում առկա իրավիճակը։


Փոխնախարարները մտքեր են փոխանակել ԵՄ-ի և ՆԱՏՕ-ի խնդիրների, ԵԱՀԿ-ում ստեղծված իրավիճակի և Եվրոպայի խորհրդի տարածաշրջանային գործունեության շուրջ։ Անդրադարձ է կատարվել փոխադարձ հետաքրքրություն ներկայացնող մի շարք երկկողմ և միջազգային թեմաների։