«Կարևոր է հաշվի առնել ԱՄՆ պետքարտուղարության հայտարարությունը, որ ադրբեջանա-հայկական հարաբերությունների կարգավորումը իր ազդեցությունը կունենա տարածաշրջանի և ՀՀ-ԱՄՆ, Ադրբեջան-ԱՄՆ հարաբերությունների վրա։ Հայաստան-ԱՄՆ հարաբերությունները շատ դինամիկ են զարգանում, ու ՀՀ-ի նկատմամբ ԱՄՆ դիրքորոշումը շատ ավելի դրական է։ Կարևոր էր նաև Բլինքենի հայտարարությունը, որ նա Ադրբեջանի ու ԱՄՆ-ի հարաբերությունները դիտարկում է հայ-ադրբեջանական խաղաղության բանակցությունների ընթացքից»: Այս մասին ասաց Ազգային ժողովի «Քաղաքացիական պայմանագիր» խմբակցության պատգամավոր Սոնա Ղազարյանը՝  անդրադառնալով Վաշինգտոնում տեղի ունեցած Բլինքեն-Բայրամով-Արարատ Միրզոյան հանդիպմանը։

Ղազարյանը նշեց, որ  խաղաղության պայմանագրի հարցում ԱՄՆ-ն ոչ թե շտապում է, այլ ցանկանում է, որ դա երկարատև խաղաղության բերի։

Ինչ վերաբերում է Թուրքիայի հետ հարաբերությունների կարգավորմանը, ապա Ղազարյանը նկատում է դրական տենդենցներ. «Կարծում եմ, որ ընդհանուր առմամբ նկատելի դրական բաներ կան, ու մենք սպասում ենք պայմանավորվածությունների ի կատար ածմանը»։

Ինչպես ասաց Ղազարյանը, ըստ տրամաբանության՝ եթե խաղաղության պայմանագիրը չի ստորագրվում Ադրբեջանի կողմից, ապա կարելի է ենթադրել, որ Ադրբեջանը COP29-ից հետո կդիմի սադրանքների:

Պատգամավորի խոսքով՝ ՌԴ-ն արդեն իսկ նվազեցրել է իր ներկայությունը Հայաստանում ու փուլ առ փուլ դուրս է գալիս. «Հայ-թուրքական սահմանի բացմամբ ռուսները այնտեղ ևս անելիք չեն ունենա, բայց այս ամենը ՌԴ-ի վարած քաղաքականության արդյունքն է»։

Մանրամասն՝ տեսանյութում

Դավիթ Լևոնյան