ԱՄՆ-ը չգիտի, թե որ երկրին են պատկանում երեք խոցված թռչող օբյեկտները
Բաժանորդագրվեք մեզ նաև
Տելեգրամում
ԱՄՆ զինվորականները չեն տիրապետում այն տեղեկատվությանը, թե Հյուսիսային Ամերիկայում վերջին երեք օրերին խփված երեք օբյեկտները ինչ երկրի ծագում ունեն կամ ինչպիսի ֆիզիկական և մեխանիկական հատկություններ, լրագրողներին հայտնել է Հյուսիսային Ամերիկայի օդատիեզերական պաշտպանության հրամանատարության (NORAD) ղեկավար գեներալ Գլեն Վան Հերքը։
«Ես չեմ պատրաստվում դրանք դասել օդապարիկների կատեգորիային: Պատահական չէ, որ մենք դրանց օբյեկտներ ենք անվանում»,- լրագրողների հետ հանդիպմանն ի պատասխան հարցերի՝ ասել է նա։
Նա հավելել է. «Ես չեմ կարող դասակարգել, թե ինչի հաշվին են նրանք մնում օդում: Դա կարող է լինել գազի բալոն կառուցվածքի ներսում կամ ինչ-որ տեսակի շարժիչի տեղակայում»:
Միաժամանակ գեներալը հայտնել է, որ վերջին երեք օբյեկտների ծագման երկիրը որոշված չէ՝ ի տարբերություն չինական օդապարիկի, որը ամերիկյան զինվորականները խոցել էին Հարավային Կարոլինայի ափերի մոտ անցած շաբաթ։
«Ես վստահ չեմ և թախանձագին կոչ եմ անում չվերագրել սա որևէ կոնկրետ երկրի: Մենք չգիտենք»,- ասել է նա։
