Հայաստանին և Ադրբեջանին առաջարկվում է խաղաղության պայմանագիր կնքել բացառապես արևմտյան հարթակներում՝ «առանց քաշվելու պարտադրելով միջնորդական» ծառայություններ։ Այս մասին հայտարարել է ՌԴ պաշտպանության նախարար Անդրեյ Բելոուսովը Ղազախստանում ՀԱՊԿ պաշտպանության նախարարների խորհրդի նիստում։
«Առանձնապես մտահոգություն են հարուցում Վաշինգտոնի և Բրյուսելի ծրագրերը՝ անվտանգության և պաշտպանության ամրապնդման պատրվակով մեր հայ գործընկերներին իրենց շահերի տիրույթ ներգրավելու համար»,- նշել է Բելոուսովը։
Նա նաև հայտարարել է, որ Վրաստանից հասնում են ակտիվ հակառուսական գործողությունների. Արևմուտքը ֆինանսավորում է բողոքի ցույցերը և ապակայունացնում իրավիճակը։ «ՆԱՏՕ-ն ձգտում է ամրապնդել իր դիրքերը Կովկասում, հասանելիություն ունենալ Կասպից ծովի ռեսուրսներին և ուղղակի ելք դեպի Կենտրոնական Ասիա»,- ընդգծել է ՌԴ պաշտպանական գերատեսչության ղեկավարը։ Կենտրոնական Ասիայի տարածաշրջանում անկայունության հիմնական աղբյուրը մնում է Աֆղանստանը, նշել է նախարարը։
