Համեմատաբար կարճ ժամանակահատվածում Հավաքական անվտանգության պայմանագրի կազմակերպությունը հաստատվել է որպես հեղինակավոր բազմապրոֆիլ կառույց, որն արդյունավետորեն լուծում է իր պատասխանատվության գոտում առաջադրված խնդիրները: Այս մասին ասվում է ՌԴ ԱԳՆ հայտարարության մեջ՝ նվիրված Պայմանագրի ստորագրման 32-րդ տարեդարձին։
Գերատեսչությունը հայտարարել է, որ փաստաթուղթը կարևոր կայունացնող դեր է խաղացել հետխորհրդային տարածքում՝ փոթորկալից աշխարհաքաղաքական փոփոխությունների պայմաններում, և մինչ օրս հանդիսանում է մասնակից պետությունների անվտանգության ապահովման, տարածաշրջանում խաղաղության և կայունության պահպանման առանցքային տարր։
«ՀԱՊԿ-ը կենտրոնացած է իր արտաքին կապերի ընդլայնման, անվտանգության ոլորտում գործող երրորդ երկրների և միջազգային կազմակերպությունների հետ, այդ թվում՝ կազմակերպության դիտորդների և գործընկերների կարգավիճակով, փոխադարձ հետաքրքրություն ներկայացնող ոլորտներում աշխատանքի վրա»,- նշել են ՌԴ ԱԳՆ-ում։ Գերատեսչությունում ավելացրել են, որ ՀԱՊԿ շրջանակներում բազմապլան դաշնակցային փոխգործակցության հետագա զարգացման հեռանկարները, նրա հնարավորությունների մեծացումը և անդամ պետությունների անվտանգությանն ուղղված մարտահրավերներն ու սպառնալիքները չեզոքացնելու միջոցառումները նախատեսվում է քննարկել Ղազախստանում 2024 թվականի մայիս-հունիսին կայացող ՀԱՊԿ անդամ երկրների պաշտպանության նախարարների խորհրդի, անվտանգության խորհրդի քարտուղարների կոմիտեի և արտգործնախարարների խորհրդի նիստերին։
