Մեսսին առաջին անգամ արժանացել է MLS-ի «շաբաթվա լավագույն խաղացող»-ի մրցանակին։

«Ինտեր Մայամիի» հարձակվող Լիոնել Մեսսին ճանաչվել է MLS-ի շաբաթվա լավագույն ֆուտբոլիստ։ Այս մասին հայտնում է մրցաշարի մամուլի ծառայությունը։

Լեոն գոլի և գոլային փոխանցման հեղինակ է դարձել Կանզասի Սպորտինգի դեմ խաղում, որտեղ Ինտեր Մայամին հաղթեց 3։2 հաշվով։

Մեսսին MLS-ում հանդես գալու ընթացքում առաջին անգամ արժանացավ շաբաթվա լավագույն խաղացողի մրցանակին։