Ռուսաստանում կստեղծվի ազգամիջյան և միգրացիոն քաղաքականության համար պատասխանատու գերատեսչություն, գրում է «Վեդոմոստին»՝ հղում անելով իր աղբյուրներին։ Ենթադրվում է, որ նոր գերատեսչությունն ուղիղ ենթակա կլինի նախագահին։

Թերթի զրուցակիցներից երկուսի խոսքով՝ այժմ մշակվում է նոր գերատեսչության կառուցվածքը, բայց դրա ձևաչափը վերջնական չի որոշվել։  Դա կարող է լինել նախարարություն, որն, ըստ էության, կմիավորի այն լիազորությունները, որոնք ներկայումս ունեն Ազգային գործերի հարցերով  դաշնային գործակալությունը և ՆԳՆ միգրացիոն հարցերով գլխավոր վարչությունը:

Մյուս կողմից՝ նոր գերատեսչությունը կարող է ունենալ նույնպիսի լայն լիազորություններով նախագահին ենթակա գործակալության կարգավիճակ։

Նոր դաշնային գերատեսչությունը կզբաղվի միգրացիայի և ազգամիջյան հարաբերությունների հետ կապված բոլոր հարցերով։