Ելույթ ունենալով Միացյալ Թագավորության դեսպանության կազմակերպած ընդունելությանը՝ փոխվարչապետ Մհեր Գրիգորյանը ՀՀ կառավարության անունից շնորհավորել է Նորին մեծություն թագավոր Չարլզ Երրորդի ծննդյան պաշտոնական տոնակատարության առթիվ և ընդգծել, որ Երևանի ու Լոնդոնի միջև ռազմավարական գործընկերության հաստատումը կարևոր հանգրվան է փոխշահավետ և բազմոլորտ համագործակցության հետագա ամրապնդման և ընդլայնման համար։
ՀՀ կառավարությունից հայտնում են՝ փոխվարչապետը համոզմունք է հայտնել, որ երկկողմ հարաբերություններում արձանագրված դրական դինամիկայի հիման վրա երկու երկրները կշարունակեն խորացնել և ամրապնդել համագործակցությունը՝ ընդհանուր ջանքերը վերածելով շոշափելի արդյունքների։
