Թուրքիայի Իզմիր նահանգի Ալիագա շրջանում HABAŞ մետալուրգիական
գործարանում տեղի է ունեցել հզոր պայթյուն։ Դեպքը տեղի է ունեցել տեղական ժամանակով
ժամը 11:30-ի սահմաններում։ Պայթյունից հետո գործարանի տարածքում հրդեհ է բռնկվել,
և գործարանից ծխի խիտ ամպեր են բարձրացել։
Իզմիրի նահանգապետ Սուլեյման Էլբանը, որը ուղիղ եթերում կիսվել
է վերջին զարգացումներով, հայտարարել է, որ պայթյունի հետևանքով զոհվել է 10 մարդ,
ևս չորսը մնացել են փլատակների տակ։
Ավելի վաղ հաղորդվել էր մեկ զոհի և 15 վիրավորի մասին։
