ԱՄՆ պետքարտուղար Էնթոնի Բլինքենը և ԵՄ արտաքին գործերի ու անվտանգության քաղաքականության հարցերով գերագույն ներկայացուցիչ Ժոզեպ Բորելը, որոնք լքեցին ԵԱՀԿ ԱԳՆ ղեկավարների խորհրդի միջոցառումները, ուղղակի վախկոտներ են, ովքեր վախենում են ազնիվ զրույցից՝ փաստերով։ Այս մասին հայտարարել է ՌԴ ԱԳ նախարար Սերգեյ Լավրովը ԵԱՀԿ ԱԳՆ խորհրդի աշխատանքներին մասնակցության արդյունքներով կայացած մամուլի ասուլիսում։

«Այսօր (ՌԴ ԱԳՆ պաշտոնական ներկայացուցիչ) Մարիա Վլադիմիրովնա Զախարովան ինձ ցույց տվեց երկու տարբեր լուսանկարներ՝ հրապարակված մակեդոնական թերթերում: Առաջին լուսանկարը նախօրեին երեկոյան էր, երբ բոլորը ժամանել էին ընթրիքի,  լուսանկարվել էին: Հիմա ես հասկանում եմ, թե ինչու: Հանուն այն բանի, որ այդ թերթը հրապարակի այդ լուսանկարը և ասի. «Բոլորը եկել են, իսկ Լավրովը չկա։ Լավրովը մեկուսացման մեջ է,- ուշադրություն հրավիրեց նա։- Բայց դա նախօրեին էր, միմյանց միջև՝ գալ, լավ մակեդոնական գինի խմել, մի քիչ ուտել։ Իսկ բացումը առավոտյան էր։ Բացման վերաբերյալ լուսանկարներ են հրապարակել այլ թերթերը։ Դրանում բոլոր երկրները ներկայացված են իրենց ցուցանակների հետևում, ներառյալ Ռուսաստանի Դաշնությունը»:

«Այդ միջոցառմանը ներկա չէին ոչ Ուկրաինայի նախարարը, ոչ Լեհաստանի և Բալթյան երկրների նախարարները: Ինչպես հասկացա, Բլինքենն ու Բորելը նույնպես հեռացան: Ինչո՞ւ է դա տեղի ունենում,- նշել է Լավրովը:- Նրանք հավանաբար կարծում են, որ դրանով ընդգծում են Ռուսաստանին մեկուսացնելու իրենց մտադրությունը: Իսկ ես կարծում եմ, որ նրանք պարզապես վախկոտ են, վախենում են ցանկացած ազնիվ խոսակցությունից՝ ձեռքի տակ եղած փաստերով»: 

ՌԴ ԱԳ նախարարի խոսքով՝ այս նույն մտավախությամբ է «բացատրվում մեր դիվանագետներին Նյու Յորքում ՄԱԿ-ի միջոցառումների, Փարիզի միջոցառումներին ՅՈՒՆԵՍԿՕ-ի տարբեր մարմինների նիստերում վիզաների չտրամադրումը»։ «Սա տարրական վախկոտություն է»,- հայտարարել է նա։ 

Լավրովը նշել է, որ Բլինքենն է փախչել Սկոպյեից, որտեղ ընթանում էր ԵԱՀԿ ԱԳՆ խորհրդի նիստը։ «Ես չեմ փախչել»,- ասել է ՌԴ դիվանագիտական գերատեսչության ղեկավարը։