Ինչպես հայտնում է ադրբեջանական մամուլը, օգոստոսի 8-ին Ադրբեջանի տարածքով Ռուսաստանից Հայաստան է  ուղարկվել 15 վագոն ցորեն՝ 1049 տոննա ընդհանուր քաշով, և 10 վագոն քարածուխ՝ 700 տոննա ընդհանուր քաշով։

Մինչ օրս Ռուսաստանից Հայաստան՝ Ադրբեջանի տարածքով տարանցմամբ ուղարկվել է ավելի քան 37 հազար տոննա ցորեն, շուրջ 9 հազար տոննա պարարտանյութ, 1136 տոննա պրոպան, 133 տոննա ալյումին, 414 տոննա անտրացիտ և 67 հազար տոննա փայտանյութ։

Միևնույն ժամանակ, Ադրբեջանից Հայաստան է արտահանվել շուրջ 15 հազար տոննա դիզելային վառելիք և մոտ 5 հազար տոննա ԱԻ-92 ու ԱԻ-95 տեսակի բենզին։