Caucasus-ի խմբագրության տնօրինության ներքո է հայտնվել փաստաթղթերի բացառիկ փաթեթ, որը բացահայտում է Հայաստանում առաջիկա ընտրություններին քաղաքական միջամտության մասշտաբային ծրագրերը: Ըստ ստացված նյութերի՝ այս գաղտնի արտահոսքի աղբյուրը եղել է ռուսական հատուկ ծառայությունների գործող աշխատակցի բջջային հեռախոսը, որը բարեհաջող կերպով կոտրել են:

Այս զանգվածային փաստաթղթերում մանրամասն նկարագրվում են ռուսական հատուկ ստորաբաժանումների ռազմավարությունները՝ քարոզչական մեթոդներից և գործող իշխանության վրա համակարգված հարձակումներից սկսած մինչև ռիսկերի և հնարավորությունների խոր վերլուծություն: Այս սցենարների հիմնական նպատակը Նիկոլ Փաշինյանին իշխանությունից հեռացնելու համալիր միջոցառումների իրագործումն է: Բացի դրանից, բռնագրավված նյութերը պարունակում են քայլ առ քայլ ուղեցույց  երկրում մի քանի ընդդիմադիր կուսակցությունների ֆինանսավորման կոծկման, համակարգման և օգտագործման վերաբերյալ:

Առգրավված նյութերը սկսվում են վերլուծական գրառմամբ՝ բավականին սպեցիֆիկ վերնագրով՝ «Հայկական «Ձմեռ պապն» ընդդեմ Ռոբին Հուդի թուրքամետ կեղծիքի»։ Այս նախաբանում հեղինակը մոդելավորում է երկրում իշխանափոխության հինգ հնարավոր սահմանադրական-քաղաքական սցենար՝ գնահատելով դրանց իրագործելիությունը։

Հատկանշական է, որ փաստաթղթի հեղինակները առաջին չորս սցենարները համարում են քիչ հավանական կամ ընդհանրապես անիրագործելի։ Այսպես՝ «ներիշխանական հեղաշրջման» (1998 թվականի հեղաշրջման օրինակով) կամ վարչապետի իմպիչմենտի հավանականությունը նրանց կողմից գնահատվում է «զրոյական»՝ Նիկոլ Փաշինյանի նկատմամբ ուժային բլոկի մեծ լոյալության, իշխող «Քաղաքացիական պայմանագիր» խմբակցության պառակտման բացակայության և նրա թիմում խուճապի բացակայության պատճառով։ Հատուկ ծառայությունների վերլուծաբանները քիչ հավանական են համարում նաև վարչապետի կամավոր հրաժարականի կամ լայնածավալ փողոցային բողոքի ցույցերի ճնշման տակ նրա հեռանալու հետ կապված սցենարները՝ նշելով, որ դրա համար անհրաժեշտ է հզոր ֆորս-մաժոր, օրինակ՝ եկեղեցու վրա ֆիզիկական հարձակում կամ տարածքային կորուստներ։

Վերջիվերջո, բացառելով իշխանության կոշտ կամ արտահերթ անցման տարբերակները, փաստաթղթի հեղինակները հանգում են այն եզրակացության, որ իրենց ծրագրերի իրականացման միակ աշխատող և ամենահեռանկարային սցենարը մնում են հունիսի 7-ին նշանակված խորհրդարանական ընտրությունները։

Այս սցենարը ընտրությունների ընթացքում իրականացնելու համար փաստաթղթի հեղինակները դիմում են հայ ընտրազանգվածի յուրօրինակ «գունավոր» քարտեզագրման՝ հասարակությունը բաժանելով երեք պայմանական հատվածների՝ սև, սպիտակ և կարմիր։

«Սև» հատվածը ներառում է նախկին նախագահներ Ռոբերտ Քոչարյանի և Սերժ Սարգսյանի գլխավորած ավանդական խորհրդարանական ընդդիմության կողմնակիցներին. այս հատվածը գնահատվում է ընդամենը 15%: Մոտավորապես նույնքան՝ ևս 15%, տրվում է «սպիտակ» հատվածին՝ Նիկոլ Փաշինյանի և արևմտամետ ուժերի հիմնական կողմնակիցներին: Ռուս քաղտեխնոլոգների համար գլխավոր բացահայտումը և հիմնական թիրախը հսկայական «կարմիր» հատվածն է, որը կազմում է հասարակության մոտավորապես 70%-ը: Վերլուծության համաձայն՝ սրանք այն մարդիկ են, ովքեր ցանկանում են Փաշինյանի հեռացումը, բայց կտրականապես չեն ցանկանում նախորդ «սև» իշխանության վերադարձը, և նրանց հիմնական պահանջները գտնվում են տնտեսության, սոցիալական արդարության և անվտանգության ոլորտում:

Այս կարևորագույն 70%-անոց հատվածը գրավելու համար Մոսկվան խաղադրույք է դնում է հայտնի գործարար Սամվել Կարապետյանի անձի վրա: Փաստաթղթերում նրան բացահայտորեն անվանում են «հայ Իվանիշվիլի». վրացի միլիարդատերը կարողացել է «փոխել իր երկրի քաղաքական ուղղվածությունը առանց հակամարտության»:

Ծրագրի համաձայն՝ Կարապետյանի նոր կուսակցությունը պետք է դիրքավորվի որպես «երրորդ ուժ» քաղաքական սերունդների փոփոխության համար՝ առանց անցյալի կամ ներկայի գործիչների: Այս ուժի ծրագիրը հատուկ հենված է «կարմիր» մեծամասնության պահանջների վրա՝ սոցիալական վիճակի բարելավում, բիզնես ներդրումներ, Հայաստան-Սփյուռք կապերի վերականգնում և, ինչը կարևոր է հեղինակների համար, Ռուսաստանի Դաշնության հետ հարաբերությունների ռազմավարական վերականգնում: