Իսրայելը, ըստ ամենայնի, պատասխանատվություն չի կրում Գազայում հիվանդանոցի պայթյունի համար. Բայդեն
Բաժանորդագրվեք մեզ նաև
Տելեգրամում
ԱՄՆ նախագահ Ջո Բայդենը Իսրայելի վարչապետ Բենիամին Նեթանյահուի հետ հանդիպման ժամանակ ասել է, որ, ըստ ամենայնի, Իսրայելը պատասխանատվություն չի կրում Գազայի հատվածի Ալ-Ահլա հիվանդանոցում տեղի ունեցած պայթյունի համար։
Թել Ավիվում Նեթանյահուի հետ հանդիպման ժամանակ Բայդենն ասել է, որ «խորապես վշտացած և վրդովված է Գազայի հիվանդանոցում տեղի ունեցած պայթյունից», սակայն, դիմելով Իսրայելի կառավարության ղեկավարին, հավելել է, որ «իրավիճակը այնպիսին է, որ դա «այլ թիմի» ձեռքի գործն է, ոչ թե ձեր»: Միևնույն ժամանակ, Բայդենը խոստովանել է, որ «շատ մարդիկ դրանում վստահ չեն»։
Ընդհանուր առմամբ, ԱՄՆ նախագահը Գազայի շուրջ հակամարտության սրման մեջ մեղադրել է ՀԱՄԱՍ-ին, որը հարձակվել էր Իսրայելի վրա հոկտեմբերի 7-ին՝ նշելով, որ ԱՄՆ-ի կողմից ահաբեկչական ճանաչված այս խմբավորումը չի ներկայացնում Պաղեստինի ժողովրդին։
