«Շիրակ Ավիա» ավիաընկերությունն այսօրվանից սկսել է ուղիղ չվերթեր իրականացնել Երևանի և Աստանայի միջև։ Չվերթները կիրականացվեն շաբաթը մեկ անգամ՝ երկուշաբթի օրերին։

«Ուղիղ ավիահաղորդակցության բացումը կապահովի հարմար պայմաններ Հայաստանի և Ղազախստանի միջև տեղաշարժի համար, ինչպես նաև կնպաստի զբոսաշրջային, գործարար և մշակութային կապերի զարգացմանը»,-նշվում է հաղորդագրության մեջ:

Տոմսերի ձեռքբերման և առկայության վերաբերյալ հարցերի կամ լրացուցիչ տեղեկությունների համար անհրաժեշտ է այցելել ավիաընկերության կայքը՝ shirakavia.am։