2026 թվականի ապրիլի 15-ին Թուրքմենստանի արտաքին գործերի փոխնախարար Ահմետ Գուրբանովը հանդիպել է Թուրքմենստանում ՀՀ արտակարգ և լիազոր դեսպան Արսեն Ավագյանի հետ։ Այդ մասին տեղեկանում ենք Թուրքմենստանում Հայաստանի դեսպանության Ֆեյսբուքի էջից։

Հանդիպման ընթացքում տեղի է ունեցել շահագրգիռ կարծիքների փոխանակում հայ-թուրքմենական գործընկերության առաջնահերթ ոլորտների վերաբերյալ։ Նշվել է, որ բարձր մակարդակի այցելությունները խթան են հանդիսանում միջպետական երկխոսության զարգացման համար։

Կողմերը նաև ընդգծել են, որ պետությունները հաջողությամբ համագործակցում են ինչպես երկկողմ, այնպես էլ բազմակողմ ձևաչափերով՝ փոխադարձ աջակցություն ցուցաբերելով հեղինակավոր միջազգային կառույցների, մասնավորապես՝ ՄԱԿ-ի շրջանակներում առաջ քաշվող նախաձեռնություններին։