Ուկրաինական հակամարտության կարգավորման շուրջ եռակողմ բանակցությունները դադարեցված են, սակայն Ռուսաստանը շարունակում է շփումները ԱՄՆ-ի հետ։ Այս մասին հայտարարել է ՌԴ նախագահի օգնական Յուրի Ուշակովը։
«Այժմ եռակողմ բանակցություններում դադար է։ Մենք շփումներ ունենք ամերիկացիների հետ, ընդ որում տեսնում ենք, որ ուկրաինական կողմը նույնպես ակտիվորեն համագործակցում է նրանց հետ», — ասել է նա։
Ուշակովի խոսքով՝ ամերիկացի բանակցողներն այս պահին կենտրոնացած են այլ խնդիրների վրա, սակայն Մոսկվայի և Վաշինգտոնի միջև երկխոսությունը շարունակվում է։
«Շփումների գործընթացն ընթանում է, և այդ շփումների ընթացքում մենք քննարկում ենք նախևառաջ ուկրաինական հիմնախնդիրը», — նշել է նա։
