ԱՄՆ նախագահ Դոնալդ Թրամփը տեղեկացրել է, որ թեև Միացյալ Նահանգները դեռ պատրաստ չեն դադարեցնել ռազմական գործողությունները Իրանի դեմ, սակայն մոտ ապագայում դուրս կգան այնտեղից։ Այս մասին նա հայտարարել է Օվալաձև աշխատասենյակում Իռլանդիայի վարչապետ Միհոլ Մարտինի հետ հանդիպման ժամանակ։
«Մենք դեռ պատրաստ չենք հեռանալ, բայց մոտ ապագայում դա մեզ կհաջողվի», — ասել է նա։
Թրամփը նշել է, որ, իր կարծիքով, ԱՄՆ-ն Իրանին արդեն այնպիսի վնաս է հասցրել, որ երկրի վերականգնման համար կպահանջվի շուրջ 10 տարի: Հարցին, թե արդյոք վարչակազմն ունի գործողությունների պլան Իրանում գործողության ավարտից հետո, նախագահը հրաժարվել է մանրամասներ հայտնել։
Թրամփը կրկնել է իր լավատեսական կանխատեսումը՝ նշելով, որ մարտական գործողությունների ավարտից հետո նավթի գները կտրուկ կնվազեն. «Հենց որ պատերազմն ավարտվի, ինչը շուտով տեղի կունենա, գները կփլուզվեն քարի պես։ Կտեսնեք»։
