Ռուսաստանի և Իրանի համատեղ ռազմածովային զորավարժությունները պլանային են, դրանք համաձայնեցված են եղել Մերձավոր Արևելքում էսկալացիայից առաջ։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Պլանային զորավարժություններ են, և դրանք նախապես են համաձայնեցվում»,- ասել է նա՝ պատասխանելով հարցին, թե արդյոք զորավարժությունները կապվա՞ծ են Իրանի շուրջ ԱՄՆ-ի կողմից առաջացող էսկալացիայի հետ։

Նա ընդգծել է, որ Ռուսաստանը շարունակում է զարգացնել հարաբերությունները Իրանի հետ։

Իրանը և Ռուսաստանը փետրվարի 19-ին նախատեսում են համատեղ ռազմածովային զորավարժություններ անցկացնել Օմանի ծոցում։